سجّل الدفعات واطلع فواتير
الفلوس بتوصلك انت مباشرة. FitRip بيسجّلها، ويجدد الاشتراك، ويطلعلك فاتورة باسمك.
ليه دي مهمة
تسجيل كل دفعة بيخليك عارف مين دفع كام وإمتى، وبيوريك إيرادك كل شهر في «التحليلات». والمتدرب بياخد فاتورة بشكل محترم، وده بيفرق في صورتك قدامه.
الخطوات
- 1
خطوة 1
اعمل باقاتك مرة واحدة
من «بروفايلى» ← تاب «الأسعار» ضيف باقاتك: اسمها، وسعرها، ومدتها (شهري، أو 3 شهور، أو سنوي). الباقات دي بتظهر في البروفايل العام بتاعك، وبتستخدمها في تسجيل الدفعات.
- 2
خطوة 2
حط بيانات الدفع
في «اشتراكات المتدربين» ← «بيانات الدفع» اكتب رقم InstaPay أو فودافون كاش. متدربينك هيشوفوها وهما بيجددوا، ويقدروا ينسخوا الرقم بضغطة.
- 3
خطوة 3
سجّل الدفعة
دوس «تسجيل دفعة» جنب المتدرب، واختار الباقة وعدد الشهور، واكتب المبلغ اللي استلمته وطريقة الدفع، وبعدين «تسجيل وإصدار فاتورة». لو الاشتراك لسه ساري، المدة الجديدة بتبدأ بعد ما الحالية تخلص.
- 4
خطوة 4
افتح الفاتورة وابعتها
بعد التسجيل دوس «فتح الفاتورة». هي برقمك انت (زي AHMD-2026-0001)، وتقدر تطبعها أو تحفظها PDF وتبعتها للمتدرب على واتساب.
- 5
خطوة 5
أكّد الإيصالات اللي المتدربين بيبعتوها
لو المتدرب حوّل ورفع صورة التحويل، هتلاقيها فوق في «إيصالات من المتدربين». افتح الإيصال، ولو الفلوس وصلت دوس «تأكيد»، والاشتراك بيتجدد لوحده.
خطوة 1 · اعمل باقاتك مرة واحدة
نصايح
- سجّلت دفعة بالغلط؟ افتح «السجل» جنب المتدرب ودوس «إلغاء» على الدفعة. الفاتورة بتتعلّم إنها ملغية.
- حط بادئة الفاتورة اللي تعجبك (زي اسمك) من «بيانات الدفع».
- فيه باقة ملهاش مدة ثابتة، زي سيشنات؟ وقت التسجيل هيطلب منك تحدد تاريخ الانتهاء.
أسئلة بتتسأل
FitRip بياخد نسبة من فلوس متدربيني؟
لأ. الفلوس بتتحوّل ليك انت مباشرة، والموقع بيسجّلها بس.
المتدرب دفعلي كاش، أعمل إيه؟
سجّل الدفعة بنفسك واختار «كاش» كطريقة الدفع.
شروحات مرتبطة
لسه محتاج مساعدة؟
ابعتلنا على واتساب وهنرد عليك بسرعة.
آخر تحديث ٧ أكتوبر ٢٠٢٦